खेल

सन्दीप लामिछानेले क्यारेबियन प्रिमियर लिग शाहरुख खानको ट्रिनवागो नाइट राइडर्सबाट खेल्ने

• गाउँ सहर संवाददाता
• १२ जेठ बुधबार, २०७८ | ०९:४१:०० मा प्रकाशित

काठमाडाैं । नेपाली राष्ट्रिय टोलीका स्पिनर सन्दीप लामिछानेले क्यारेबियन प्रिमियर लिग (सीपीएल) टी–ट्वान्टी क्रिकेट खेल्ने भएका छन् ।

साबिक विजेता ट्रिनवागो नाइट राइडर्सबाट सन्दीपले नयाँ सिजन खेल्ने भएका हुन् । सीसीएलले मंगलबार सन्दीपले ट्रिनवागोबाट खेल्ने पुष्टि गरेको हो ।

सन्दीपले यस अघि तीन सिजन सीपीएल खेलिसकेका छन् ।

सन्दीपले गत सिजन जमैका तलावाजबाट खेलेका थिए । त्यसअघि उनले सेन्ट किट्स एण्ड नेभिस प्याट्रीओट्स र बार्बाडोस ट्राइडेन्ट्सबाट खेलेका थिए ।

२०२१ को सीपीएल क्रिकेट अगस्ट २८ बाट सुरु हुनेछ । 

सेट किट्स एण्ड नेभिसमा आयोजना हुने सीपीएलको फाइनल सेप्टेम्बर १९ मा हुनेछ । प्रतियोगितामा कुल ३३ खेल हुनेछ ।

ट्रिनवागो इन्डियन प्रिमियर लिग फ्रेन्चाइज कोलकता नाइट राइडर्सको टिम हो । कोलकताकै मालिक बलिउड स्टार शाहरुख खान, जे मेहता र जुही चावला यसका मालिक हुन् । यस्तै प्रशिक्षकमा ब्रेन्डन म्याकुलम छन् ।