खेल

जाे जित्नका लागि दाैडिरहेका छन् (फाेटाेफिचर)

काठमाडौं । नेपाली राष्ट्रिय फुटबल टिम यतिबेला विश्वकप छनोट र इराकसँगको मैत्रीपूर्ण खेलका लागि अन्तिम तयारी स्वरूप प्रशिक्षण गरिरहेको छ ।

विश्वकप छनोट र मैत्रीपूर्ण खेलका लागि नेपाली टोलीले बिहीबार दशरथ रंगशालामा तयारी गरेको छ ।

मुलुकभित्र विकसित राजनीतिक घटनाभन्दा पर रहेर यतिबेला उनीहरू आफ्नाे खेल तालिकाअनुसार इराक जानुअघि प्रशिक्षणमा तल्लिन देखिन्छन् । 

जेठ १५ ( मे २९) मा बसरा अन्तराष्ट्रिय मैदानमा इराकसँग मैत्रीपूर्ण खेल खेल्न नेपाली टिम मैत्रीपूर्ण खेलका लागि जेठ ११ गते इराक प्रस्थान गर्ने छन् ।

कुवेती प्रशिक्षक अब्दुल्लाह अलमुताईरीको नेतृत्वमा नेपाली टिमले तयारी गरिरहेको छ । सहायक प्रशिक्षक किरण श्रेष्ठले अलमुताईरीलाई सहयोग गरिरहेका छन् ।

मैत्रीपूर्ण र विश्वकप छनोटका लागि कुवेती प्रशिक्षक अब्दुल्लाह अलमुताईरीले मंगलबार नै २३ सदस्सीय नेपाली टिमको घोषणा गरिसकेका छन् । तर, प्रशिक्षणमा बन्द प्रशिक्षणमा सहभागी ३२ खेलाडी नै सहभागी छन् ।

यस्ताे छ नेपाली टिम :

गोलरक्षक : किरण चेम्जोङ, विशाल सुनार, दीप कार्की

डिफेन्डर : रोहित चन्द, अनन्त तामाङ, दिनेश राजवंशी, गौतम श्रेष्ठ, सुमन अर्याल, विकास खवास

मिडफिल्डर : विशाल राई, मनिष डाँगी, एरिक विष्ट, कमल थापा, सन्तोष तामाङ, सुमन लामा, सुनिल बल, सुरज जिउ ठकुरी, पुजन उपरकोटी, आयुष घलान

फरवार्ड : अभिषेक रिजाल, अन्जन विष्ट, नवयुग श्रेष्ठ, आशिष लामा

तस्बिर -एन्फा

गाउँ सहर संवाददाता

तपाईँको मत