अर्थतन्त्र

लगानीकर्ता सुस्ताउँदा पनि एक दर्जन कम्पनीमा सर्किट, पाँच अर्बमाथि काराेबार

• गाउँ सहर संवाददाता
• २९ बैशाख बुधबार, २०७८ | १६:०८:०० मा प्रकाशित

काठमाडौं । उतार चढावका बीच बुधबार नेप्से परिसूचक सामान्य अंकले बढेर बन्द भएकाे छ । नेप्से परिसूचक ०.५६ अंकले बढेर २६७३.८८ अंकमा पुगेको छ ।

यो दिनको कारोबारमा १ करोड ४८ लाख ५४ हजार ४२२ कित्ता सेयर ५ अर्ब ३२ करोड ६० लाख ५२ हजार ८०१ रुपैयाँमा कारोबार भएको छ । यो दिन १०६ वटा कम्पनीको सेयर मूल्य बढेको छ भने ९७ वटा कम्पनीको सेयर मूल्य घटेको छ । साथै १२ वटा कम्पनीको सेयर मूल्य स्थिर छ ।

बुधबार नारायणी डेभलपमेन्ट बैंक लिमिटेड, आँखुखोला जलविद्युत, बोटलर्स नेपाल (तराई), विशाल बजार कम्पनी, रूरू जलविद्युत परियोजना, समता घरेलु लघुवित्त, युनियन हाइड्रोपावर, खानीखोला हाइड्रोपावर, एनआरएन इन्फ्रास्ट्रक्चर, दिव्यश्वरी हाइड्रोपावर, युनिलिभर नेपाल र जोशी हाइड्रोपावरको शेयरमूल्यमा पनि सकारात्मक सर्किट लेभलमा बढेर कारोबार भएको छ ।

यसदिन एभरेष्ट इन्स्योरेन्सकाे संस्थापक शेयर, साल्ट्र ट्रेडिङ्ग कर्पोरेशन, सानिमा जनरल इन्स्योरेन्स, सूर्योदय लघुवित्त, एसबिएल डिबेञ्चर २०८२, किसान लघुवित्त, सर्पोट लघुवित्त, लुम्बिनी जनरल इन्स्योरेन्स, विजय लघुवित्त र जनउत्थान सामुदायिक लघुवित्तको शेयरमूल्य घटेको छ ।

कारोबार रकमका हिसाबले नेपाल पुनर्बीमा कम्पनी, एचआइडीसीएल, अपि हाइड्रोपावर अगाडि छन् ।

बढ्दो कोरोना संक्रमण र अर्कोतिर राजनैतिक अन्योलताले लगानीकर्ता पर्ख र हेरको अवस्थामा देखिएका हुन् ।