गाउँ सहर

काेराेनाकाे डढेलाे : अहिलेसम्मकै सबैभन्दा धेरै संक्रमित थपिँदा युवा र बालबालिका बढि जाेखिममा

काठमाडौं । भारतमा काेराेना संक्रमण र मृत्युकाे दृष्य हेरिरँदा नेपालमा पनि त्यसकाे डढेलाे सल्किएकाे छ । 

शनिबार नेपालमा कोरोनाभाइरसका ५,७६३ जना संक्रमित थपिएका छन् । स्वास्थ्य मन्त्रालयका अनुसार १४ हजार ९६९ नमुना परीक्षण गर्दा पछिल्लो २४ घण्टामा ती संक्रमित भेटिएका हुन् ।

थप १९ जनाको मृत्यु भएको छ । १२८७ जना निको भएका छन् । ४३ हजार २१३ सक्रिय संक्रमित संख्या पुगेको छ ।

यसअघि गत कार्तिक ५ गते ५,७४३ जनामा सङ्क्रमण पुष्टि भएको थियो ।

पछिल्लो २४ घण्टामा देशभरकाे काेराेना रिपाेर्ट अनुसार युवाहरूमा सबैभन्दा धेरै संक्रमण भएकाे छ । त्यसैगरि बालबालिकामा पनि उस्तै देखिएकाे छ । 

स्वास्थ्य मन्त्रालयका अनुसार सबैभन्दा धेरै ३० देखि ३९ वर्ष उमेर समूहका १४४१ जना संक्रमित भएका छन् भने त्यसपछि २० देखि २९ वर्ष उमेर समूहका १३४६ जना संक्रमित भएका छन् । 

 

काेराेना पुष्टि भएकामध्ये ० देखि ९ वर्ष उमेर समूहका १०३  र १० देखि १९ वर्ष उमेर समूहका भने ३३५ जना बालबालिका कोरोना संक्रमित भएका छन् ।

९० देखि १०० वर्ष उमेर समूहमा ८ जना संक्रमित भएकाे मन्त्रालयले जनाएकाे छ ।  

स्वास्थ्य मन्त्रालयका अनुसार काठमाडौँ उपत्यकामा मात्रै २४९५ जना संक्रमित थपिएका छन्। काठमाडौँमा १९३२, ललितपुरमा ३५५ र भक्तपुरमा २०८ जना संक्रमित थपिएको स्वास्थ्य मन्त्रालयले जनाएको छ।

गाउँ सहर संवाददाता