राजनीति

‘काेही भाेकै पर्दैन, भाेकै काेही मर्दैन’ भन्ने संकल्प व्यवहारमा लागू भएकाे छ : प्रधानमन्त्री (भिडिओसहित)

काठमाडौं । प्रधानमन्त्री केपी शर्मा ओलीले भाेक भाेकै काेही मर्नु नपर्ने बताएका छन् । 

१३२ औं अन्तराष्ट्रिय श्रमिक दिवसका अर्थात मे १ का अवसरमा आज एक भिडियो सन्देश जारी गर्दै प्रधानमन्त्री ओलीले ‘काेही भाेकै पर्दैन, भाेकै काेही मर्दैन’ भन्ने संकल्प व्यवहारमा  लागू भएकाे दाबी गरेका हुन् । 

त्यसैगरि ओलीले आगामी आर्थिक वर्ष २०७८/०७९ बाट श्रमिकको न्युनतम तलब १५ हजार पुर्‍याउने घोषणा पनि गरेका छन् ।

उनले श्रमिकको न्यूनतम पारिश्रमिक मासिक १३ हजार ४ सय ५० रुपैयाँबाट बढाएर आगामी साउन १ गतेदेखि १५ हजार रुपैयाँ पुर्‍याउने घोषणा गरेका हुन् ।

निजी क्षेत्रका प्रतिनिधी र मजदुर संगठनका बीचमा समझदारी नभएपछि सरकारले एकल निर्णयद्वारा न्यूनतम पारिश्रमिक बढाउने घोषणा गर्नु परेको प्रधानमन्त्री ओलीको भनाइ छ ।

उनले श्रमिक क्षेत्रको कानुनी विभेदलाई अन्त्य गरिएको पनि दाबी गरे । वैदेशिक रोजगारीमा गएका नेपालीको सुरक्षा र मर्यादाको लागि गन्तव्य देशसँग श्रम सम्झौता गरिएको उनका भनाई छ । देशभित्रैका मजदुरको सुरक्षाको लागि सामाजिक सुरक्षा कोष, बेरोजगार भत्ता लगाएका व्यवस्था गरिएको पनि प्रधानमन्त्री ओलीले दाबी गरे ।

गाउँ सहर संवाददाता

तपाईँको मत