कला

रंगकर्मी प्रदिप र मोडल रियाशाको थारु गीत 'तुहि हो तुहि’ सार्वजनिक

• गाउँ सहर संवाददाता
• १० बैशाख शुक्रबार, २०७८ | १२:१४:०० मा प्रकाशित

काठमाडौं । थारु भाषाको "तुहि हो तुहि" बोलको गीतको भिडियो सार्वजनिक भएको छ ।

नयाँ वर्षको अवसर पारेर बिहीबार सार्वजनिक गरिएको उक्त गीतमा नरेश जोगी तथा अन्नु चौधरीको स्वर छ भने नरेश जोगी कै संगीत र गणेश चौधरीको एरेन्ज रहेको छ ।

गीतको भिडियोमा उत्सव दाहालको क्यामेरा, चन्द्र चौधरीको मिक्सिङ र मिलन बिश्वकर्माको सम्पादन तथा कलर रहेको छ ।

गीतमा रंगकर्मी प्रदिप कुमार चौधरी र रियाशा दाहालको अभिनय देख्न सकिन्छ ।

देवदत्त क्रियशनको आधिकारिक युट्युब च्यानलबाट सार्वजनिक गरिएको गीतलाई सर्लाही जिल्लाको हरिपुर, सिसवा क्षेत्रको विभिन्न थारु बस्तीमा छाँयाकन गरिएको हो ।