स्वास्थ्य

कोरोनाभाइरसका ८९ बिरामी आइसियूमा, १५ जनाको भेन्टिलेटरमा उपचार हुँदै, २०३ नयाँ थपिए, १४१ निको

काठमाडौँ । पछिल्लो २४ घण्टामा नेपालमा कोरोनाका नयाँ संक्रमित ३०३ जना थपिएका छन् । थपिएकासहित कुल संक्रमितको संख्या २ लाख ८० हजार २८ पुगेको छ ।

कोरोनाबाट पछिल्लो २४ घण्टामा मृत्यु हुनेको संख्या एक रहेको छ । अहिलेसम्म कुल मृतकको संख्या ३ हजार ४० पुगेको छ । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा स्वास्थ्य लाभ गर्नेको संख्या १४१ छ । योसहित कुल स्वास्थ्य लाभ गर्नेको संख्या २ लाख ७४ हजार २७ पुगेको छ । 

मन्त्रालयका अनुसार आजसम्म २३ लाख १२ हजार ९०१ जनाको पिसिआर टेस्ट भएको छ । अहिले देशभरका आइसोलेशनमा २ हजार ९६१ र क्वारेन्टाइनमा रहनेको संख्या ८३ छ ।

मन्त्रालयका अनुसार देशभरका अस्पतालहरुमा ८९ जनाको आइसियू र १५ जनाको भेन्टिलेटरमा उपचार भइरहेको छ ।

छिमेक राष्ट्रहरुमा संक्रमण बढेसँगै मन्त्रालयले सावधानी अपनाउन आग्रह गरेको छ । सीमा नाकामा कडाईसँगै चेकजाँच समेत बढाइएको छ । पछिल्लो समय देशमा संक्रमितको दर बढ्दो छ ।

गाउँ सहर संवाददाता