गाउँ सहर

२०८१ को नयाँ वर्षमा याङ्ग्री र लार्केको पानी काठमाडौँमा - प्रधानमन्त्री ओली

तस्बिरः सूर्य थापा ।

काठमाडौँ।  प्रधानमन्त्री केपी शर्मा ओलीले २०८१ को नयाँ वर्षमा याङ्ग्री र लार्केको पानी काठमाडौँमा ल्याउने बताएका छन्।

शुक्रबार काठमाडौँ उपत्यकामा मेलम्ची खानेपानी आयोजनाको पानी वितरण शुभारम्भ कार्यक्रममा सम्बोधन गर्दै प्रधानमन्त्री ओलीले मेलम्चीको सुरुङ बनिसकेकाले याङ्ग्री र लार्केको पानी ल्याउन गाह्रो नभएको बताएका हुन्।

उनले मातहतका मन्त्रालयलाई दुबै ठाउँको पानी समयमै ल्याउन निर्देशन समेत दिएका छन्।

कोभिड महामारीमा मेलम्चीको पानी काठमाडौँमा ल्याउन चुनौतीपूर्ण भएपनि त्यो काम सफल भएको प्रधानमन्त्री ओलीको भनाइ थियाे।

मेलम्चीको पानी काठमाडौँ ल्याउने विषयमा धेरै पहिला कुरा भएपनि तीन दशक पुग्न लाग्दा त्यो सपना साकार भएको ओलीले बताए।

गाउँ सहर संवाददाता