स्वास्थ्य

पछिल्लो २४ घण्टामा १७९ नयाँ संक्रमित थपिए, १११ जनाले गरे स्वास्थ्य लाभ

काठमाडौँ । पछिल्लो २४ घण्टामा नेपालमा कोरोनाका नयाँ संक्रमित १७९ जना थपिएका छन् । थपिएकासहित कुल संक्रमितको संख्या २ लाख ७७ हजार ६४० पुगेको छ । 

कोरोनाबाट पछिल्लो २४ घण्टामा मृत्यु हुनेको संख्या शुन्य छ । अहिलेसम्म कुल मृतकको संख्या ३ हजार ३१ रहेको छ । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा स्वास्थ्य लाभ गर्नेको संख्या १११ छ । योसहित कुल स्वास्थ्य लाभ गर्नेको संख्या २ लाख ७२ हजार ९६२ पुगेको छ । 

मन्त्रालयका अनुसार आजसम्म २२ लाख ७९ हजार १०५ को पिसिआर टेस्ट भएको छ । अहिले देशभरका आइसोलेशनमा १ हजार ६४७ र क्वारेन्टाइनमा रहनेको संख्या ६१ छ ।

छिमेक राष्ट्रहरुमा संक्रमण बढेसँगै मन्त्रालयले सावधानी अपनाउन आग्रह गरेको छ । सीमा नाकामा कडाईसँगै चेकजाँच समेत बढाइएको छ ।

गाउँ सहर संवाददाता