अर्थतन्त्र

बिहीबार नेपाली बजारमा सुनको मूल्य उकालो, चाँदी घट्याे

काठमाडौँ । नेपाली बजारमा बिहीबार सुनको मूल्य उकालो लागेको छ ।

स्थानीय बजारमा अघिल्लो कारोबारको दिन अर्थात् बुधबार स्थिर रहेको सुनको भाउ बिहीबार रू. २०० ले बढेको हो ।

नेपाल सुनचाँदी व्यवसायी महासंघका अनुसार बिहीबार छापावाला सुन प्रतितोला रू. ८६ हजार ९०० मा कारोबार भएको छ । बुधबार छापावाला सुनको मूल्य प्रतितोला रू. ८६ हजार ७०० मा कारोबार भएको थियो । बुधबारको तुलनामा बिहीबार छापावाला सुन प्रतितोला रू. २०० ले बढेको हो ।

त्यसैगरी, तेजाबी सुन प्रतितोला रू. ८६ हजार ४५० मा कारोबार भएको छ । बुधबार तेजाबी सुन प्रतितोला रू. ८६ हजार २५० मा कारोबार भएको थियो । 

यस्तै, बिहीबार चाँदीको मूल्य भने घटेको छ । बुधबार प्रतितोला रू. एक हजार २४० मा कारोबार भएको चाँदी बिहीबार प्रतितोला रू. एक हजार २३० खरीदविक्री भइरहेको छ । बुधबारको तुलनामा बिहीबार चाँदी रू. १० ले घटेको हो ।

गाउँ सहर संवाददाता

तपाईँको मत