प्रतिनिधि सभा

प्रतिनिधिसभा बैठक स्थगित

काठमाडौं । प्रतिनिधिसभाको बैठक स्थिगित भएको छ । आइतबार बसेको बैठक शोक प्रस्ताव पारित गरेर सोमबार दिउँसो दुई बजेसम्मका लागि स्थगित भएको हो ।

प्रतिनिधिसभाको आजको बैठकले विभिन्न समयमा निधन भएका सांसदहरूप्रति शोक प्रस्ताव पारित गरेको छ ।

सभामुख अग्निप्रसाद सापकोटाले प्रस्तुत गर्नुभएको शोक प्रस्ताव बैठकको सर्वसम्मतले पारित गरेको हो ।

बैठकले प्रतिनिधिसभा सदस्य सानु शिवा र सूर्यबहादुर के.सी., संविधानसभा सदस्य मानपुर चौधरी र भिमप्रसाद गौतमको निधनप्रति शोक प्रस्ताव पारित गरेको हो ।

यसै गरी बैठकले पूर्व सांसदहरू दीपकबहादुर गुरुङ, डा. राममान श्रेष्ठ, विरबहादुर लामा, ओमकारप्रसाद गौचन, इन्द्रहाङ्ग लिम्बु, कमानसिंह लामा, गंगादत्त जोशी, एकनाथ रानाभाट, कुवेर प्रसाद शर्मा र डा. शंकरप्रसाद उप्रेती प्रति शोक प्रस्ताव पारित गरेको हो ।

तर आज प्रधानमन्त्री केपी शर्मा ओली फर्किएपछि संसद् सचिवालयले बुधबारको बैठकको कार्यसूची परिवर्तन गरेको थियाे । प्रधानमन्त्री ओली संसद् बैठक सुरु हुनुअघि नै संसद् भवनबाट बाहिरिएका थिए ।

यसअघि बुधबार बस्ने बैठकलाई विभिन्न दलका नेताहरूले सम्बोधन गर्ने कार्यसूची भए पनि प्रधानमन्त्री ओली फर्किएपछि परिवर्तन गरिएको हो । यसअघिको कार्यसूचीमा विभिन्न अध्यादेशहरु टेबल गर्ने र शोक प्रस्ताव पारित गर्ने उल्लेख थियो ।

यसअघि आइतबारको संसद् बैठक पनि ढिला सुरु भएको भन्दै प्रधानमन्त्री ओली करिब ४० मिनेट बसेर बाहिरिएका थिए । बुधबार प्रधानमन्त्री बाहिरिएसँगै संसद् भवनमा उपस्थित भएका अधिकांश मन्त्रीहरू पनि बैठक छाडेर हिँडेका थिए ।

गाउँ सहर संवाददाता