राजनीति

वार्ता गर्न सरकारले बनायो बादलको नेतृत्वमा टोली, विप्लव पनि तयारी गर्दै

काठमाडौं । सरकारले नेत्रविक्रम चन्द नेतृत्वको विप्लव समूहसँग वार्ता गर्न गृहमन्त्री रामबहादुर थापा बादलको नेतृत्वमा समिति बनाएको छ ।

गृहमन्त्री रामबहादुर थापा बादल र प्रधानमन्त्रीका परराष्ट्र सल्लाहकार राजन भट्टराई सम्मिलित वार्ता टोली गठन गरेको सरकारका प्रवक्ता सञ्चार तथा सूचना प्रविधिमन्त्री पार्वत गुरुङले जानकारी दिए ।

 

मंगलबार सरकारले २ सदस्यीय वार्ता टोली गठन गरेपछि विप्लव समूहले पनि वार्ता समिति बनाउने तयारी गरेको छ ।

‘विप्लव’सँग वार्ता गर्न दुई सदस्यीय टोली गठन गरेसँग विप्लव समूहले पनि वार्ता टोली गठनको तयारी गरेको छ ।

विप्लव समूहका नेताहरुका अनुसार पार्टी प्रवक्ता खड्गबहादुर विश्वकर्मा ‘प्रकाण्ड’ नेतृत्वमा उदय चलाउने ‘दीपक’ सदस्य रहेको दुई सदस्यीय टोली गठनको तयारी भएको हो ।

विप्लव समूहले यसअघि नै मन्त्रीको नेतृत्वमा सरकारी वार्ता टोली गठन भए प्रकाण्डको नेतृत्वमा आफूहरुले वार्ता गर्ने बताइसकेको छ । प्रकाण्ड पूर्वमन्त्रीसमेत हुन् भने उदय चलाउने सो समूहका सैन्य विभागका प्रमुख हुन् ।

यसअघि पार्टी महासचिव विप्लवले वार्ताका लागि आफूहरु सकारात्मक रहेको भन्दै विज्ञप्ति नै जारी गरेका थिए । त्यसपछि सरकारले वार्ता समिति बनाएको छ । प्रधानमन्त्री केपी शर्मा ओलीले पटकपटक समूहसँग वार्ता गर्ने सार्वजनिक अभिव्यक्ति दिँदै आएका थिए ।

गाउँ सहर संवाददाता

तपाईँको मत