स्वास्थ्य

४४ जना आइसियू र ११ जनाको भेन्टिलेटरमा उपचार हुँदै, देशमा अब १,५५५ सक्रिय संक्रमण

एकको मृत्यु, निको हुने दर ९८.७%

• गाउँ सहर संवाददाता
• १२ फाल्गुण बुधबार, २०७७ | १६:३५:०० मा प्रकाशित

काठमाडौँ । पछिल्लो २४ घण्टामा नेपालमा कोरोनाभाइरसका कारण एक जनाको मृत्यु भएको छ । योसँगै कुल मृतकको संख्या २,०६६ पुगेको छ । 

यस्तै ९४ संक्रमित थपिएका छन् । थपिएकासहित कुल संक्रमितको संख्या २,७३,७६० पुगेको छ । यस्तै निको हुने ७१ सहित कुल निको हुनेको संख्या २,७०१३९ पुगेको छ ।

मन्त्रालयका अनुसार अहिले देशमा सक्रिय संक्रमितको संख्या १,५५५ छ । 

अहिले देशभर ४४ जना कोरोना संक्रमितको आइसियू र ११ जनाको भेन्टिलेटरमा उपचार भइरहेको मन्त्रालयले बताएको छ । देशभर आजसम्म २१,५०२२५ जनाको पिसिआर टेस्ट भएको छ ।

मन्त्रालयका अनुसार देशभर अहिले १,५५५ जना आइसोलेशन र ६३ जना क्वारेन्टाइनमा रहेका छन् ।

देशमा खोप अभियान चलिरहेको छ ।