ऊँ चाबहिल डेन्टल हस्पिटलद्वारा सिन्धुपाल्चाेकमा तीनदिने निःशुल्क दन्त शिविर
- गाउँ सहर संवाददाता
- १३ फाल्गुण बिहीबार, २०७७ | ०९:०६:०० मा प्रकाशित
काठमाडाैं । ऊँ चाबहिल डेन्टल हस्पिटलले सिन्धुपाल्चाेकमा तीन दिने नि:शुल्क दन्त शिविर सञ्चालन गरेकाे छ ।
पहिलाे दिन (मंगलबार) सिन्धुपाल्चाेककाे इन्द्रावती गाउँपालिका सिम्पालकाभ्रेमा ७५० जना को नि:शुल्क दन्त परीक्षण तथा स्वास्थ्य जाँच गरिएको छ ।
स्वास्थ्य शिविर ऊँ चाबहिल डेन्टल हस्पिटल तथा जर्मन नेपाल सहयोग संघ(GNHA) र बिकास का लागि एकता र रेटिना सपाेट नेपालको सयुक्त आयोजना भइरहेकाे ऊँ चाबहिल डेन्टल हस्पिटलका अध्यक्ष कृष्ण घिमिरेले जानकारी दिए ।
त्यसैगरि बुधबार शिविरको दोस्रो दिन इन्द्रावती गाउँपालिकाको नवलपुरमा ५७० जनाले नि:शुल्क सेवा पाउनुका साथै औषधि, ब्रस, पेस्टसमेत नि:शुल्क वितरण गरिएको घिमिरेले बताए ।
बिहीबार (आज) ज्यामिरेमानेमा शिविर सञ्चालन हुने उनले जानकारी दिए ।
शिविरमा दाँत सम्बन्धि रोग, स्त्री रोग, आँखा जाँच, सुगर, प्रेसरलगायत स्वास्थ्य शिक्षा तथा परामर्शसमेत दिईएकाे घिमिरेले बताए । स्वास्थ्य जाँचपछि बिरामीलाई आवश्यक औषधिसमेत निशुल्क बिरतण गरिएकाे छ ।
उपचारका लागि शिविरमा तिलगंगा आँखा अस्पतालबाट डा.एली प्रधानसहित चार जना, ॐ डेण्टल अस्पतालबाट डा. कृतिका देव, सुदिप अधिकारीसहित ६ जना, परोपकार प्रसुती गृहबाट डा. निलम शाहसहित २ जना र वीर अस्पतालबाट एकराज सापकोटासहित ४ जना फार्मेसिस्ट छन् ।
उपचार बिहान १० बजेबाट बेलुकी ४ बजेसम्म गरिने आयोजक ईन्द्रावती गाउँपालिकाले जनाएको छ ।
विभिन्न जिल्लाका स्थानीय तहमा पुगेर स्थानीय तहका संघ संस्थाको सहकार्यमा दन्त शिविरसँगसँगै दाँत सम्बन्धी जनचेतनामूलक कार्यक्रम र सचेत गराउँदै आएकाे डेण्टलका प्रबन्धक निर्देशक अनिल शर्माले बताए।
प्रबन्धक निर्देशक शर्माले डेन्टल खोलेको छोटो समयमै सेवाग्राहीलाई गुणस्तर सेवा प्रदान गरेर बिरामीहरुको मन जित्न सफल भएको बताए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस