गाउँ सहर

पोखराका सवल पक्षहरुको लेखाजोखा गर्न प्रसंसनीय खोज तालिम

पोखरा । पोखरा महानगरका महाशाखा प्रमुख, शाखा प्रमुख र कर्मचारीहरुका लागि सकारात्मक सोच र उत्प्रेरणासम्बन्धी अभिमुखीकरण गराईएको छ ।

पोखरा महानगरपालिका शहरी योजना आयोगको आयोजनामा कास्कीको माछापुच्छ्रे गाउँपालिका स्थित धम्पुसमा चलेको उक्त तालिममा बोल्दै महानगरका प्रमुख मानबहादुर जिसीले सेवाग्राहीहरुलाई खुसी पार्नका लागि महानगरका सबै कर्मचारीमा सकारात्मक भावना हुनुपर्ने बताए । महानगर प्रवेश गरेका सेवाग्राहीलाई एक जना कर्मचारीले गर्ने व्यवहारसंग सिङ्गो महानगरकै प्रतिष्ठा जोडिएको भन्दै प्रमुख जिसीले नागरिकहरुले तिरेको करबाटै सेवा सुविधा लिएका कर्मचारीले नागरिकहरुलाई गुनासो गर्ने ठाउँ दिन नहुने बताए ।

कार्यक्रमका सहजकर्ता एवं पोखरा महानगरपालिकाका शहरी योजना आयोगका उपाध्यक्ष डा आरसी लामिछानेले विश्वका सबै महानगरहरु र पोखरा महानगरका कर्मचारीहरुबीच योग्यतामा कुनै कमी नभएको भन्दै सेवा दिने शैलीमात्र बदल्न सके उत्कृष्ट महानगर बनाउन सकिने बताए ।

तालिम कार्यक्रममा सहभागीहरुको सकृय सहभागिता रहेको थियो भने अधिकाँश सहभागीहरुको यस तालिममा प्रयोग गरिएका विधि तथा प्रकृयाहरु एकदम नयाँ र रोचक थिए ।

महानगरका महिला विकास अधिकृत विष्णुमाया पौडेलका अनुसार यो तालिम विगतका सवै तालिम भन्दा फरक रहेको  र यसले आफु भित्र प्रयाप्त सकारात्मक उर्जा भरेको बताईन् । महानगरका सूचना अधिकृत भरत पौडेलले यस तालिमको अवधिलाई जीवनकै एक अविस्मरणीय क्षण रहेको बताए  । त्यसैगरी शिक्षा महाशाखा प्रमुख हेम प्रसाद आचार्यले तीन दिनको धम्पुस वसाइपछि पर्याप्त उर्जा लिएर फर्किएको बताए ।

महानगरपालिकाका सवलक्षहरु र नगरवासीहरुको भविष्यको चाहनाको आधारमा सहभागीहरु तीन समूहमा विभाजित भई आगामी १० वर्ष पछाडिको पोखरा महानगरपालिकाको परिकल्पना तयार पारेका थिए ।

तालिममा महानगरका करीब ५० जनाको सहभागिता रहेको थियो ।

गाउँ सहर संवाददाता

तपाईँको मत