गाउँ सहर

पोखरामा २१औँ रोपाइँ  महोत्सव–२०८३ सम्पन्न   

• गाउँ सहर संवाददाता
• १५ असार सोमबार, २०८३ | ०९:०३:०० मा प्रकाशित

पाेखरा । पोखरा सबै मौसमका लागि’ भन्ने मुख्य नाराका साथ पोखरामा २१औँ रोपाइँ महोत्सव–२०८३ सम्पन्न भएको छ । हिलोमा खेलिने खेलहरू र सांस्कृतिक कार्यक्रमहरू सहित पोखरा पर्यटन परिषद्को मुख्य आयोजना तथा ३०-नं. वडाको वडा स्तरीय कृषि सञ्जालको स्थानीय व्यवस्थापनमा पोखरा ३० शिशुवा देउराली खोलाछेउमा महोत्सव सम्पन्न भएको  हो ।

महोत्सवको पोखरा महानगरपालिकाका प्रमुख धनराज आचार्यले उद्घाटन गरे । पोखरा तथा गण्डकी प्रदेशमा आन्तरिक एवम् बाह्य पर्यटन प्रवर्द्धन गर्ने प्रमुख उद्देश्यका साथ आयोजना  गरिएको महाेत्सवमा बाेल्दै उनले  सहरीकरणका कारण लोपोन्मुख बन्दै गएको परम्परागत धान खेती प्रणाली र खेतीयोग्य जमिनको संरक्षण गर्ने, युवा पुस्तालाई कृषिप्रति आकर्षित गर्ने तथा कृषकहरूको सम्मान गर्ने लक्ष्य महोत्सवले राखेको बताए  ।

कृषिको सम्मान गरौं, संस्कृति जोगाऔं र पर्यटन प्रवर्द्धनमार्फत समृद्ध पोखरा निर्माण गरौं भन्दै पोखरा पर्यटन परिषद्को आयोजना तथा पोखरा महानगरपालिकाको सहकार्यमा

मौलिक परम्परा, संस्कृति र कृषि जीवनशैलीलाई संरक्षण गर्दै कृषिमार्फत पर्यटन प्रवर्द्धन गर्ने उद्देश्यले विगत २१ वर्षदेखि निरन्तर आयोजना हुँदै आएको यो महोत्सव पोखराको पहिचान र आकर्षणलाई अझ सशक्त बनाउने महत्वपूर्ण अभियान भएको  धारणा  उनले  राखेका थिए ।