कला

रबिन्द्र लम्सालले उनेकाे शब्दमा प्रकाश सपुतको मार्मिक अभिनयसहितकाे भिडिओ ‘आमा’

• गाउँ सहर संवाददाता
• १७ माघ शनिबार, २०७७ | ०८:४६:०० मा प्रकाशित

काठमाडाैं पर्बत ठुलिपोखरीका रबिन्द्र लम्साल क्यानाडाको टोरोन्टोमा बस्छन् । उनै लम्सालले शब्द रचना गरेकाे गीतको नयाँ म्युजिक भिडियो ‘आमा’ सार्वजनिक भएको छ ।

म्युजिक भिडियोमा कलाकार प्रकाश सपुत र हिउवाला गौतमको हृदयस्पर्षी अभिनय रहेको भिडियोमा आमा र छोराको माया, ममता, सम्बन्ध साथै उत्तरदायित्वलाई देखाउने प्रयास गरिएको छ । आरूष भुषाल भुषाल वाल्यकालको छोराको भूमिकामा रहेका छन् ।

रवीन्द्रसंगीता नामको युटुव च्यानलबाट सार्वजनिक भएको गीतलाई सिडी विजय अधिकारीले संगीत दिएका छन् भने किरण कंडेलले बाजागाजाको संयोजन गरेका हुन् ।

आमाको खुत्रुकेमा भएको पैसा लिएर उच्च शिक्षाको लागि गाँउबाट शहर पसेको छोराले आमालाई सम्झदै वाल्यकालका यादहरु सजाएको मात्रै होइन गीतको भिडियोमा असल आमाले गरेको दुस्ख र संघर्षलाई समेत देखाइएको छ ।

द भ्वाइस अफ नेपालका विजेता सिडी विजय अधिकारीको स्वर रहेको सो गीतको भिडियोलाई देवेन्द्र बब्लुले निर्देशन गरेका छन् । विशाल घिमिरेले कथामामा उतारेको ‘आमा’ गीतको दृश्यलाई नवराज उप्रेतीलेले क्यामरामा कैद गरेका हुन् ।