स्वास्थ्य

विश्वमा कोरोनाविरुद्ध खोप अभियान जारी, अहिलेसम्म २२ लाख १६ हजार २८५ ले ज्यान गुमाए

• गाउँ सहर संवाददाता
• १७ माघ शनिबार, २०७७ | ०८:३१:०० मा प्रकाशित

काठमाडौँ । विश्वमा अहिले कोरोनाविरुद्ध खोप अभियान जारी रहँदासम्म भाइरसका कारण २२ लाख १६ हजार २८५ ले ज्यान गुमाइसकेका छन् ।

वर्ल्डोमिटर्स डट इन्फोकोरोनाभाइरसको ताजा तथ्यांक अनुसार, विश्वमा कुल संक्रमितको संख्या १० करोड २६ लाख २८ हजार ५९३ पुग्दा स्वास्थ्य लाभ गर्नेको संख्या ७ करोड ४३ लाख २५ हजार ७५२ रहेको छ ।

अहिले विश्वमा भाइरसका २ करोड ६० लाख ८२ हजार ८८१ केश सक्रिय रहेका छन् । यसमा १ लाख ८ हजार ९८७ जनाको अवस्था चिन्ताजनक रहेको इन्फोले जनाएको छ ।

नेपालमा अहिले ३ हजार २२ सक्रिय संक्रमित रहेको र अहिलेसम्म २ हजार २५ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । देशमा पहिलो चरणको खोप अभियान जारी छ ।