अर्थतन्त्र

आइतबार नेप्से परिसूचक र कारोबार रकम दुबैमा नयाँ रेकर्ड

काठमाडाैं । शेयरबजारमा आइतबार दुई वटा रेकर्ड कायम भएकाे छ । निरन्तर उकालाे लागिरहेकाे नेप्से परिसूचक र कारोबार रकम दुबैमा नयाँ रेकर्ड कायम भएको हाे ।

आइतबार ऐतिहासिक उचाइमा पुग्दा हालसम्मकै धेरै ९ अर्ब ३७ करोड ६० लाख रुपैयाँको शेयर खरीद बिक्री भएको छ । नेप्से परिसूचक ५०.२० अर्थात २.११ प्रतिशत बढेर २४२.८४ विन्दुमा पुगेको छ ।

यसदिन एक दर्जनभन्दा बढी कम्पनीको शेयर सकारात्मक सर्किट लेभलमा कारोबार भएका छन् । कारोबारमा आएको पोखरा फाइनान्स, गुराँस लाइफ इन्स्योरेन्स, मिथिला लघुवित्त र ग्रामीण विकास लघुवित्तको शेयरमूल्य १० प्रतिशत बढेको छ । यस दिन नारायणी डेभलपमेन्ट बैंकको शेयरमूल्यमा भने नकारात्मक सर्किट लागेको छ ।

कारोबारमा आएका ब्यापार बाहेक सबै उपसमूहका सूचक बढेका छन् । अन्य ५ प्रतिशत धेरैले बढ्दा लघुवित्त र जलविद्युतको सूचक पनि २ प्रतिशत धेरैले बढेका छन् । बैंकिङ, होटल, वित्त, निर्जीबन बीमाको सूचकमा १ प्रतिशत धेरैको सुधार आएको छ ।

कारोबार रकमका आधारमा यस दिन नेपाल लाइफ इन्स्योरेन्सको यस दिन ६६ करोड ८२ लाख रुपैयाँ बराबरको शेयर खरिदबिक्री भएको छ । त्यसैगरी, यस दिन नेपाल पुनर्बीमा कम्पनी र नेपाल दूरसञ्चार कम्पनीको ३० करोडभन्दा बढीको शेयर खरिदबिक्री भएको छ ।

गाउँ सहर संवाददाता