जीवनशैली

हेक्काईदो रामेन हाउसको जापानी फास्टफुड काउन्टर (देकाईदो एक्सप्रेस) को सुरुवात

• गाउँ सहर संवाददाता
• ६ माघ मंगलबार, २०७७ | १७:०४:०० मा प्रकाशित

काठमाडौँ । हेक्काईदो रामेन हाउसको जापानी फास्टफुड काउन्टर देकाईदो एक्सप्रेसको सुरुवात भएको छ । 

माघ ६ गते मंगलबार देखि भाटभटेनी सुपर मार्केटको सहकार्यमा महाराजगञ्जमा जापानी फास्टफूड काउन्टर (देकाईदो एक्सप्रेस) खुलेको हाउसले जानकारी दिएको हो ।

यसअघि पनि हाउसले भाटभटेनी सुपर मार्केटका विभिन्न स्थानहरुबाट जापानीज बेन्तो (लन्च बक्स) साथै जापानी ओसाकेहरु बिक्री गर्दै आएको थियो ।

यहि शिलशिलामा उसले देकाईदो एक्सप्रेस सुरुवात गरेको हो ।

छिटो छरितो मिठो जापानी फास्टफुड र पेय पदार्थ सुलभ मूल्यमा ग्राहकहरुलाई उपलब्ध गराउन विभिन्न ७ वटा देकाईदो एक्सप्रेस काउन्टर खोल्ने तयारीमा रहेको पनि हाउसले बताएको छ ।

हाउसले जापानी खानाको पारखी ग्राहकवर्ग तथा प्रत्यक्ष र अप्रत्यक्ष रुपले अभियानमा सहयोग पुर्याउने सबैमा आभार प्रकट गरेको छ ।