अर्थतन्त्र

पोखरामा सिभिल बैंकको गण्डकी प्रदेश कार्यालय

• गाउँ सहर संवाददाता
• १४ माघ मंगलबार, २०७६ | २१:५१:०० मा प्रकाशित

पोखरा । सिभिल बैंक लिमिटेडले पोखरामा आफनो नयाँ शाखा कार्यलय सहित गण्डकी प्रदेश कार्यालय स्थापना गरेको छ । देश भर एक सय दुई साखाबाट सेवा दिदै आएको सिभिल बैकले पोखरा १० को शिवचोकमा शाखा कार्यालय र प्रदेश कार्यालयको संयुक्त रुपमा उद्घाटन गरेको छ । कार्यालयको गण्डकी प्रदेशका मुख्य मन्त्री पृथ्वीसुब्वा गुरुङले एक कार्यक्रमकाबीच उद्घाटन गरेका हुन् ।

कार्यालयको उद्घाटन गर्दै मुख्य मन्त्री गुरुङले बैंकहरुले जनतालाई सहज र सरल तरिकाले सेवा प्रदान गर्दै बैंकिङ्ग प्रणालीलाई प्रभावकारी तरिकाले सेवा प्रवाह गर्दै ब्यवसायीहरुलाई लगानी मैत्री वातावरण सृजना गरिदिनु पर्ने सुझाव दिएका थिए ।

गण्डकी प्रदेश सरकारले आफनो पञ्च वर्षीय कार्ययोजनमा आर्थिक बृद्धिदरलाई बढाउदै पर्यटन, उद्योग, हाईडो र कृषिलाई अगाडि बढाएकाले बैंक तथा वित्तिय संस्थाले सरल र सुलभ ब्याजदरमा कर्जा प्रवाह गरी लक्ष्य प्राप्तीलाई सहयोग गर्न उनले अग्रह गरे ।

सोही अवसरमा बैकका प्रमुख कार्यकारी अधिकृत गोविन्द गुरुङले सिभिल बैकले जनताको मन जित्दै समृद्धि लागि सिभिल भन्ने मूल नारालाई अगाडि बढेको बताए ।

कार्यक्रममा बैंकका अध्यक्ष ईच्छाराज तामाङ्गले सरकारका तर्फबाट लगानीको वातावरण सृजना भएमा अन्तर्राष्ट्रिय लगानी कर्ताहरुलाई पनि नेपालमा ल्याउन सकिने भएकाले सरकार र वित्तिय क्षेत्रकाबीच सहकार्यको आवस्यकता रहेको धारणा राखेका थिए ।

कम्पनी सचिव हिराकाजी बस्नेतले संचालन र सिभिल बैकका गण्डकी प्रदेश प्रमुख समिर केसीले स्वागत गरेका थिए ।