“नेपाल प्रहरीलाई निर्मला हत्याको दोषीलाई सार्वजनिक गर्न हतार छ”
गम्भिरताका साथ अनुसन्धान
- गाउँ सहर संवाददाता
- ८ माघ मंगलबार, २०७५ | २२:०२:०० मा प्रकाशित
काठमाडौँ । नेपाल प्रहरीका प्रवक्ता उत्तमराज सुवेदीले बलात्कारपछि हत्या गरिएकी निर्मला पन्तको हत्याबारे प्रहरीले इमान्दारपूर्वक अनुसन्धान गरिरहेको बताएका छन् ।
घटनाले चारैतिर अनुसन्धानमा हेलचेक्राइँ र गैरजिम्मेवारी प्रहरी प्रशासन भनिरहेकाे समयमा प्रवक्ता सुवेदीले पन्त हत्याबारे प्रहरीले इमान्दारपूर्वक अनुसन्धान गरिरहेको बताएका हुन् ।
रिपोर्टर्स क्लब नेपालले गरेको साक्षात्कारमा सुवेदीले पन्तको हत्याको अनुसन्धानमा प्रहरीलाई कुनै दबाब नआएकाले चाँडै दोषी पत्ता लाग्ने विश्वास व्यक्त गरे । उनले भने, “नेपाल प्रहरीलाई निर्मला हत्याको दोषीलाई सार्वजनिक गर्न हतार छ ।”
साक्षात्कारमा उनले प्रहरीले बलात्कारका घटनामा ९७ प्रतिशतसम्म सफल अनुसन्धान गरिसकेको बताएका थिए ।
कञ्चनपुर उल्टीखामकी १३ वर्षिया बालिका निर्मला पन्तले ज्यान गुमाएको आज ५ महिना २८ दिन पुगेको छ तरपनि अभियुक्तकाे पहिचान हुन सकेकाे छैन ।
पछिल्लो प्रतिवेदनबाट अनुसन्धानमा चरम लापरवाही गरेको निष्कर्श आएको थियाे । यही लापरबाहीका कारण करिब तीन दर्जन प्रहरीमाथि कारबाहीका लागि सिफारिस पनि भएको छ । तर, उनका लागि न्याय माग्नेकाे अवस्था दिनकै पेचिलाे बन्दै गएकाे छ ।
कञ्चनपुरको भीमदत्त नगरपालिका १८, निम्बुखेडास्थित उखुबारीमा साउन १० गते निर्मलाको शव फेला परेको थियो ।
प्रवक्ता सुवेदीले रामबहादुर बम्जनको आश्रमबाट पाँच जना बेपत्ता भएको घटनाबारे प्रहरीले उच्च प्राथमिकताका साथ अनुसन्धान गरिरहेको बताउन भ्याए । लगातारकाे ३३ किलो सुन प्रकरणपछि अवैध सुन समात्ने क्रम बढेको जानकारी पनि उनले दिएका थिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- लगानी सम्मेलनमा एक सय ५१ परियोजना प्रस्तुत गरिँदै
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
- शेयरबजार : २ अर्ब ३६ करोडको कारोबार हुँदा कसले कमाए, कसले गुमाए ?
- बाटो निर्माण गर्दा अनियमितता गर्ने सात जनाविरूद्ध भ्रष्टचार मुद्दा
- भालीदेखि कक्षा १२ काे परीक्षा, झण्डै पाँच लाख विद्यार्थी सहभागी हुँदै
- वेस्ट इन्डिज ए विरुद्ध खेल्ने १६ सदस्यीय टोली घोषणा
प्रतिकृया दिनुहोस