बाटो निर्माण गर्दा अनियमितता गर्ने सात जनाविरूद्ध भ्रष्टचार मुद्दा
- गाउँ सहर संवाददाता
- १३ बैशाख बिहीबार, २०८१ | १३:५७:०० मा प्रकाशित
काठमाडाैं । अख्तियार दुरूपयोग अनुसन्धान आयोगले हुम्लाको चंखेली गाउँपालिकाका तत्कालीन निमित्त प्रमुख प्रशासकीय अधिकृत विष्णुबहादुर शाह,इन्जिनियर,वडाध्यक्ष,उपभोक्ता समितिका अध्यक्षसहित सातजनाविरुद्ध भ्रष्टाचार मुद्दा दायर गरेको छ।
आयोगले चंखेली गाउँपालिका -३ स्थित सुकिचौर हुँदै चिमाङसम्मको बाटो निर्माणको कार्यमा अनियमितता गरेको आरोपमा तत्कालीन निमित्त प्रमुख प्रशासकीय अधिकृत प्रमुख शाही, इन्जिनियर रुद्र बहादुर वली,असिस्टेन्ट सव इन्जिनियर हर्कधन बुढा,उपभोक्ता समितिका अध्यक्ष मनजित रोकाया,सचिव धनपति ऐडी र कोषाध्यक्ष पुनी ऐडी र चंखेली गाउँपालिकाका -३ का तत्कालीन वडा अध्यक्ष सालिग्राम ऐडीविरुद्ध आज विशेष अदालत काठमाडौंमा भ्रष्टाचार मुद्दा दायर गरेको हो।
अख्तियारका प्रवक्ता नरहरि घिमिरेले सुकिचौर हुँदै चिमाङसम्मको बाटो निर्माण कार्यमा निर्माणस्थलको वास्तविक तथ्य बंग्याइ भए गरेको कार्यभन्दा बढि मूल्यांकन गरी नापी किताबमा चढाइ हस्ताक्षर गरी निर्माणस्थलमा भए गरेको कार्यभन्दा बढी तथा साइटमा नगरेको नगराएको परिमाणको झुट्टा बिल भर्पाइ तथा कार्यसम्पादन प्रतिवेदन तयार तथा स्वीकृति गरी २ लाख २२ हजार ५०३ रुपैयाँ भुक्तानी दिएको पुष्टि हुन आएकाले उनीहरूविरुद्ध आरोप पत्र दायर गरेको जानकारी दिए।
उनीहरूविरुद्ध २ लाख २२ हजार ५०३ रुपैयाँ बिगो,कैद र जरिवाना माग दावी गरिएको अख्तियारले जनाएको छ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- वेस्ट इन्डिज ‘ए’ विरुद्धको टि-२० श्रृंखलाको अन्तिम खेलमा नेपाल विजयी
- वेस्ट इन्डिज ‘ए’ विरुद्धको टि-२० श्रृंखलाको अन्तिम खेलमा नेपालले पायाे १७३ रनकाे लक्ष्य
- सुर्ती सेवनबाट दैनिक ७३ जना मृत्यु
- टी–२० विश्वकप खेल्ने नेपाली टोलीलाई क्यानको बिदाइ (तस्बिरहरू)
- सय रुपैयाँको नोटमा नेपालको नयाँ नक्सा राख्ने निर्णय
- जापान पठाउने भन्दै २१९ जनालाई ठग्ने पक्राउ
- ग्लोबल आइएमई बैंकको प्रतिबद्धता, प्लास्टिकको खपत कम गरिने
- संसदको बजेट अधिवेशन आव्हान
- शेयरबजार : काराेबार रकम ४ अर्ब नाघ्याे, नेप्सेमा सामान्य अंककाे गिरावट
- रोहित भर्सेस वेस्टइन्डिज ‘ए’ ! तेस्रो हारसँगै नेपालले सिरिज गुमायो
प्रतिकृया दिनुहोस