शिक्षा

रिलायन्स इन्टरनेशनल एकेडेमी सम्मानित

• गाउँ सहर संवाददाता
• २१ असार आइतबार, २०८३ | १८:११:०० मा प्रकाशित

काठमाडौं । एसईई–२०८२ को नतिजामा उत्कृष्ट शैक्षिक नतिजा ल्याएकाे रिलायन्स इन्टरनेशनल एकेडेमीका शिक्षक र विद्यार्थी सम्मानित भएका छन् । 

प्याब्सन काठमाडौंले आयोजना गरेको विशेष सम्मान कार्यक्रममा विद्यालयलाई "Academic Excellence Award–2082" तथा "SEE 2082 Distinguished Result Award" द्वारा सम्मानित गरिएको हाे ।

कार्यक्रममा प्याब्सन काठमाडौंले एसईई–२०८२ मा पूर्ण ४.०० जीपीए ल्याउने १६ जना विद्यार्थीहरूका साथै विभिन्न विषयमा उत्कृष्ट नतिजा हासिल गराउन भूमिका खेल्ने शिक्षकहरूलाई सम्मान गरेको हाे ।

सोही अवसरमा रिलायन्स इन्टरनेशनल स्कुलले १०० भन्दा बढी विद्यार्थी सहभागी विद्यालयहरूको प्रतिस्पर्धामा औसत ३.८३ जीपीए प्राप्त गर्दै काठमाडौं जिल्लामै प्रथम स्थान हासिल गर्न सफल भएको हो ।

गौरवपूर्ण उपलब्धिका लागि विद्यालय प्रशासनले सम्पूर्ण प्रतिभाशाली विद्यार्थी, समर्पित शिक्षक, अभिभावक तथा विद्यालय परिवारलाई हार्दिक बधाई तथा शुभकामना व्यक्त गरेको छ । "विद्यार्थीहरूको मिहिनेत र शिक्षकहरूको निरन्तर मार्गदर्शनले आज विद्यालयले यो उचाइ प्राप्त गरेको छ," विद्यालयले जनाएको छ ।

उत्कृष्ट शिक्षाको क्षेत्रमा निरन्तर सक्रिय रिलायन्स इन्टरनेशनल स्कुलले आगामी दिनमा पनि शिक्षाको गुणस्तरलाई थप उचाइमा पुर्‍याउने आफ्नो प्रतिबद्धता दोहोर्‍याएको छ ।