वातावरण

गड्याङगुडुङसहितकाे शनिबारकाे माैसम

• गाउँ सहर संवाददाता
• २६ बैशाख शनिबार, २०८३ | १६:२०:०० मा प्रकाशित

काठमाडाैँ । अहिले काठमाडाैँमा गड्याङगुडुङसहित वर्षा भइरहेकाे छ । जल तथा माैसम विभागका अनुसार शनिबार दिउँसाे र रातिकाे माैसम निम्न रहेकाे छ ।

दिउँसोः देशका हिमाली र पहाडी भू-भागमा साधारणतया बादल लाग्नेछ र तराई भू-भागमा आंशिक बादल लाग्नेछ । कोशी, बागमती र गण्डकी प्रदेशको हिमाली र पहाडी भू-भागका केही स्थानहरूमा तथा मधेश प्रदेश लगायत कोशी प्रदेशको तराई भू-भाग साथै बाँकी प्रदेशको पहाडी र हिमाली भू-भागका थोरै स्थानहरूमा मेघगर्जन/चट्याङ्ग सहित मध्यम सम्मको वर्षा/हिमपातको सम्भावना रहेको छ । बाँकी तराई भू-भागका एक-दुई स्थानमा मेघगर्जन/चट्याङ्ग सहित हल्का वर्षाको सम्भावना रहेको छ ।

रातिः कोशी, बागमती र गण्डकी प्रदेशको हिमाली र पहाडी  भू-भागमा  साधारणतया बादल लाग्नेछ र बाँकी भू-भागमा आंशिक बादल लाग्नेछ । कोशी, बागमती र गण्डकी प्रदेशका हिमाली र पहाडी भू-भागका थोरै स्थानहरूमा तथा कोशी प्रदेशको तराई भू-भागको एक-दुई स्थानमा मेघगर्जन/चट्याङ्ग सहित मध्यम वर्षा/हिमपातको सम्भावना रहेको छ ।