शिक्षा

उपकुलपति डा. बरालको राजीनामा स्वीकृत

• गाउँ सहर संवाददाता
• २८ चैत बिहीबार, २०८१ | १६:४६:०० मा प्रकाशित

काठमाडाैँ। त्रिभुवन विश्वविद्यालयका उपकुलपति डा. केशरजंग बरालले दिएको राजीनामा स्वीकृत भएको छ। प्रधानमन्त्री एवं विश्वविद्यालयका कुलपति केपी शर्मा ओलीले बरालको राजीनामा बिहीबार स्वीकृत गरेका हुन्।

प्रधानमन्त्रीको सचिवालयले यसबारे जानकारी दिएको छ।

डा. बरालले चैत १६ गते उपकुलपति पदबाट राजीनामा बुझाएका थिए। उनी २०८० साल फागुन १० गते माओवादी केन्द्रका अध्यक्ष तथा तत्कालीन प्रधानमन्त्री पुष्पकमल दाहाल ‘प्रचण्ड’ नेतृत्वको सरकारले उपकुलपति नियुक्त गरेको थियो।