वातावरण

माैसम : तीन प्रदेशमा हिमपातको सम्भावना

• गाउँ सहर संवाददाता
• १० माघ बिहीबार, २०८१ | ०७:०९:०० मा प्रकाशित

काठमाडौं । आज गण्डकी, कर्णाली र सुदूरपश्चिम प्रदेशको पहाडी भू-भागमा आंशिक बदली भएको छ भने बाँकी भू-भागमा मौसम मुख्यतया सफा रहेको छ । तराईका धेरै भू-भागहरूमा हुस्सु / कुहिरो लागेको छ।

पश्चिमी भू-भागमा पश्चिमी न्यून चापीय प्रणालीको प्रभाव रहेका कारण ती क्षेत्रमा मौसम बदली भएको हो ।

मौसम पूर्वानुमान महाशाखाका अनुसार सुदूरपश्चिमका पहाडी भू-भागका एक/दुई स्थानमा हल्का वर्षाको पनि सम्भावना रहेको छ । कर्णाली प्रदेश र सुदूरपश्चिमका उच्च पहाडी तथा हिमाली भू-भागका थोरै स्थानहरू र गण्डकीको एक-दुई स्थानमा हल्का हिमपातको सम्भावना रहेको छ ।

कोशी प्रदेशमा पनि आज रातिसम्म उच्च पहाडी र हिमाली क्षेत्रमा मौसम आंशिक बदली भइ हल्का हिमपातको सम्भावना रहेको महाशाखाले जनाएको छ ।

मधेशमा भने मौसम पूर्णरुपमा सफा रहनेछ ।