कला

पत्रकार गजेन्द्र बुढाथोकीको ‘जङ्गबहादुर इन इङ्गल्यान्ड’ सार्वजनिक

• गाउँ सहर संवाददाता
• ६ माघ आइतबार, २०८१ | १३:३३:०० मा प्रकाशित

काठमाडाैँ। पत्रकार गजेन्द्र बुढाथोकीको ‘जङ्गबहादुर इन इङ्गल्यान्ड’ पुस्तक सार्वजनिक भएको छ।

राणा प्रधानमन्त्री जंगबहादुरले काठमाडौँबाट बेलायत यात्रामा निस्केको १७५औं वर्षको अवसर पारेर पुस्तक सार्वजनिक गरिएको हो।

पुस्तकमा जंगबहादुरका बेलायत यात्राका रोचक सामग्री समावेश छन्।

काठमाडौँमा आयोजित एक कार्यक्रममा लेखक बुढाथोकीका बुबा भक्तबहादुर बुढाथोकी, ऐतिहासिक त्रिरत्न मानन्धर, वरिष्ठ पत्रकार कुन्द दीक्षित, लेखक यादव देवकोटा, श्री ३ जंग संस्थाका अध्यक्ष पूर्व रथी सरोजप्रताप राणा र प्रकाशक कुन्ता थापाले पुस्तकको विमोचन गरेका छन्।

लेखक बुढाथोकीको यो चौथो किताब हो। यसअघि आर्थिक उदारीकरणका २० वर्ष, समकालीन नेपाली अर्थतन्त्र र कोरोना कहरपछिको अर्थतन्त्र (ई-बूक) प्रकाशित छन्।