गाउँ सहर

दुर्गा प्रसाईंलाई थप ५ दिन हिरासतमा राख्न अनुमति

• गाउँ सहर संवाददाता
• ९ मङ्सिर आइतबार, २०८१ | १८:१४:०० मा प्रकाशित

काठमाडौं । साइबर अपराधको कसूरमा पक्राउ परेका मेडिकल व्यवसायी दुर्गा प्रसाईंलाई पाँच दिन हिरासतमा राख्न अदालतले अनुमति दिएको छ ।

जिल्ला अदालत काठमाडौंले आइतबार उनलाई थप पाँच दिन हिरासतमा राखेर अनुसन्धान गर्न अनुमति दिएको साइबर ब्यूरोका डीआईजी नविन्द अर्यालले बताए ।

प्रसाईंलाई नेपाल प्रहरीको केन्द्रीय अनुसन्धान ब्यूरो (सीआईबी) ले गत मंसिर ४ गते पक्राउ गरेको थियो । विद्युतीय कारोबार ऐन, २०६३ को दफा ४७ अनुसार अनुसन्धानका लागि प्रसाईंलाई पक्राउ गरिएको प्रहरीले जनाएको छ ।

प्रसाईंका छोरा निराजन प्रसाईंले आफ्ना बाबुलाई गैरकानूनी रुपमा थुनामा राखिएको दाबी सहित गत शुक्रबार सर्वोच्च अदालतमा आइतबार निवेदन दर्ता गरेका छन्।