अर्थतन्त्र

भदौ महिनामा भित्रियो दुई खर्ब ६३ अर्ब रेमिट्यान्स

• गाउँ सहर संवाददाता
• २९ असोज मंगलबार, २०८१ | १९:१८:०० मा प्रकाशित

काठमाडौँ । चालु आर्थिक वर्ष २०८१/८२ को भदौ महिनामा रु दुई खर्ब ६३ अर्ब १४ करोड रेमिट्यान्स भित्रिएको छ । समीक्षा अवधिमा रेमिट्यान्स आप्रवाह १५ दशमलव दुई प्रतिशतले वृद्धि भएको नेपाल राष्ट्र बैंकले जनाएको छ । गत भदौ महिनामा रु दुई खर्ब २८ अर्ब ३७ करोड रेमिट्यान्स भित्रिएको थियो ।

नेपाल राष्ट्र बैंकले आज सार्वजनिक गरेको ‘देशको वर्तमान आर्थिक तथा वित्तीय स्थिति’ अनुसार अघिल्लो वर्षको सोही अवधिमा रेमिट्यान्स आप्रवाह १८ दशमलव ७ प्रतिशतले बढेको थियो ।