अर्थतन्त्र

सेयर बजारमा दोहोरो अंकले वृद्धि

• गाउँ सहर संवाददाता
• १७ असार मंगलबार, २०८२ | १५:१९:०० मा प्रकाशित

काठमाडौं । साताको तेस्रो कारोबार दिन सेयर बजारमा दोहोरो अंकले वृद्धि भएको छ । उक्त दिन बजार २८.९१ अंकले बढेर २६६२.९२ को विन्दुमा कायम भएको हो ।

आज नेप्सेमा कारोबार भएको ३०९ कम्पनीको १ करोड ५७ लाख ६४ हजार १ कित्ता शेयर किनबेच हुँदा ७ अर्ब ३ करोड ३० लाख ५० हजार रुपैयाँको कारोबार भएको छ । सेयर बजारमा बढोत्तरी आउँदा १२ उपसूचक हरियाली भएको छ ।

उक्त दिन सबैभन्दा बढी एनआरएन इन्फ्रास्ट्रक्चर बैंकको सेयर सर्वाधिक कारोबार भएको छ । आज कम्पनीको ४६ करोड १६ लाख ४६ हजार रुपैया बराबरको कारोबार भएको छ । कारोबार रकमको आधारमा दोस्रो स्थानमा रहेको राधी विद्युत कम्पनीको ४५ करोड ५५ लाख २ हजार रुपैयाँ बराबरको सेयर खरिद बिक्री भएको छ ।

त्यस्तै उक्त दिन बुटवल पावर कम्पनीको २५ करोड ८३ लाख ८८ हजार रुपैंया, सप्तकोशी डेडलपमेन्ट बैंकको २५ करोड २० लाख ५९ हजार रुपैयाँ, यूनियन हाइड्रोपावरको २५ करोड १६ लाख ४४ हजार रुपैयाँको कारोबार भएको हो ।