सडक/यातायात

काठमाडौँबाट रामेछाप जाँदै गरेको बस दोलखामा दुर्घटना हुँदा एकजनाको मृत्यु

• गाउँ सहर संवाददाता
• २४ असोज बिहीबार, २०८१ | १५:५७:०० मा प्रकाशित

दोलखा । काठमाडौँबाट रामेछापको गुप्तेश्वर जाँदै गरेको बागमती प्रदेश ०१–००६ ख ४८४३  नम्बरको यात्रुबाहक बस बिहीबार दोलखाको भीमेश्वर नगरपालिका –८ बोचको चरङ्गेमा दुर्घटना हुँदा एकजनाको मृत्यु भएको छ भने ८ जना घाइते भएका छन् ।

दोलखा प्रहरी प्रमुख डिएसपी युवराज खड्काका अनुसार दुर्घटनामा २३ वर्षीय लोक बहादुर श्रेष्ठको मृत्यु भएकाे हाे ।  गम्भीर घाइते २५ वर्षीय धनबहादुर खड्कालाई प्राथमिक उपचारपछि काठमाडौं रिफर गरिएको च्यारोल्पा अस्पताल चरिकोटले जनाएको छ ।

ओभर स्पीडका कारण दुर्घटना भएको डिएसपी खड्काले जानकारी दिए  । बसमा ४३ जना सवार थिए ।