'युवाहरूको बल र स्थानीय संगठनको जगमा राजसंस्था र हिन्दुराष्ट्र पूनर्स्थापना'
- गाउँ सहर संवाददाता
- १५ श्रावण मंगलबार, २०८१ | १७:५०:०० मा प्रकाशित
काठमाडौं । राष्ट्रिय प्रजातन्त्र पार्टी (राप्रपा) का महामन्त्री डा. धवलशम्सेर राणाले युवाहरूकोे बल र स्थानीय संगठनको जगमा राजसंस्था तथा हिन्दुराष्ट्र पूनर्स्थापना गर्ने बताएका छन् ।
‘देशको समस्या र आवश्यकता चानचुने कुराले पूरा हुँदैन, त्यसकारण हिजोको गल्ती सच्याएर राजा सहितको प्रजातन्त्र, हिन्दुसंस्था एवं भ्रष्टाचारमुक्त सुशासन स्थापना गर्न टड्कारो भएको छ । यसै लक्ष्य प्राप्त गर्न राप्रपाले देशभरीका वडाबाट बीस हजार युवा दस्ता खडा गर्नेछ,’ राप्रपाका महामन्त्री तथा संगठन विभाग प्रमुख राणाले पार्टी केन्द्रीय कार्यालय धुम्बाराहीमा मंगलबार आयोजित कार्यक्रमलाई सम्बोधन गर्दै भने ।
संगठन विभागको कार्ययोजना अनुरुप काठमाडौं महानगर कार्य समितिद्वारा आयोजित विस्तारीत वैठकमा उपाध्यक्ष हेमजंग गुरुङले पार्टीको एजेण्डा जनताबीच लोकप्रिय बनेको अवस्था इंगित गर्दै संगठन निर्माणको नियमित कामलाई जोडबल दिनुपर्ने बताए ।
महामन्त्री कुन्ती शाहीले हिजोको अनुभवबाट पाठ सिक्दै राप्रपाले आन्दोलनको आगामी रणनीति तयार गर्ने बताइन् । आन्दोलनमा युवाहरूकोे महत्वपूर्ण भुमिका रहनेछ भन्दै कम क्षति र अधिकतम प्रभावको लाइनमा आन्दोलन अघि बढ्ने बताइन् ।
प्रवक्ता तथा संगठन विभागका सदस्य सचिव सगुन सुन्दर लावतीले पात्र र प्रणालीमा देखिएको महारोग केवल सरकार परिवर्तन गरेर मात्र समाधान नहुने बताए । त्रिपक्षीय द्वन्द्वको एक पक्ष राजसंस्थालाई शान्ति प्रक्रियामा समावेश नगरी भएका गल्ती सच्याएर देशमा नवीन समझदारी गर्नुपर्ने, सबै विचार र शक्ति समेटेर दिगो शान्ति कायम गर्नुपर्ने बताए ।
महानगर समितिका अध्यक्ष केदार धमलाको अध्यक्षतामा सम्पन्न विस्तारीत वैठकमा नगर तथा वडा समितिका प्रदाधिकारीहरूले पार्टी संस्थागत रूपमा चल्नुपर्ने, जिल्ला, नगर र क्षेत्र तहको चेन अफ कमाण्ड केन्द्रले मिच्न नहुने, गणेश प्रवृत्ति अन्त्य हुनुपर्ने, राजसंस्था र हिन्दु अधिराज्य पूनर्स्थापना गर्न अर्जुनदृष्टि लगाउनु पर्ने बताए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- माैसम : तीन प्रदेशमा हिमपातको सम्भावना
- विदेशबाट ‘आइएमई पे’मा रकम प्राप्त गर्दा पाँच रुपैयाँसम्म बोनस
- रविकाे मुद्दामा बिहीबार थुनछेक बहस हुने, कानुन व्यवसायी र परिवारको जिम्मा लगाइयो
- रूपेन्देहीमा रवि लामिछानेको थुनछेक बहस सुरू
- एक ताेला सुन किन्न १ लाख ६० हजार हाल्नुपर्ने
- महिला यु–१९ ट्वान्टी–२० विश्वकपमा नेपालले आज अष्ट्रेलियासँग खेल्दै
- निर्वाचन आयोगमा दर्ता भयाे राजेन्द्र महतो नेतृत्वकाे पार्टी, चुनाव चिह्न ग्यास सिलिण्डर
- पाथीभरा देवी मुकुम्लुङ दर्शन केबलकार निर्माण सुरु, कोशी प्रदेशको पर्यटनमा कोशेढुङ्गा
- सेयर बजारमा सामान्य अंकले बढ्याे, घट्यो कारोबार
- राष्ट्रपतिद्वारा माघ १८ गते संसद्को हिउँदे अधिवेशन आह्वान
प्रतिकृया दिनुहोस