यसपाली वर्षा बढी हुने भएपछि किसानलाई नेपाल कृषि अनुसन्धान परिषद् यस्ताे सुझाव
- गाउँ सहर संवाददाता
- २९ जेठ मंगलबार, २०८१ | ०७:५३:०० मा प्रकाशित
काठमाडौँ । नेपाल कृषि अनुसन्धान परिषद् (नार्क) ले सबै बालीका लागि जमिन तयारी गर्दा पानी निकासको उचित व्यवस्था गर्न सुझाव दिएको छ । नार्कले सार्वजनिक गरेको कृषि–मौसम सल्लाह बुलेटिन अनुसार आगामी मनसुन सिजनमा देशका अधिकांश स्थानमा सरदर वा सरदरभन्दा बढी वर्षा हुने सम्भावना देखिएकाले सम्भावित जोखिम न्यूनीकरण गर्न बालीको लागि जग्गा तयारी गर्दा पानी निकासको उचित व्यवस्था गर्न सुझाव दिएको हो ।
सोमबारदेखि भित्रिएको मनसुनमा देशका अधिकांश स्थानमा सरदरभन्दा बढी वर्षा हुने सम्भावना ३५ देखि ५५ प्रतिशत रहेको जल तथा मौसम विज्ञान विभागले जनाएको छ । मनसुनको सुरुवातमा सुक्खा तथा उत्तरा क्षेत्रमा बढी पानी पर्ने देखिएकाले सुक्खा र डुबान सहन सक्ने सिफारिस गरिएका धानका जातहरू रोपाइँ गर्न नार्कले सुझाएको छ ।
खासगरी मध्य पहाडी क्षेत्रमा अत्यधिक वर्षाले निम्त्याउन सक्ने बाढी, पहिरोको जोखिम नियन्त्रणका लागि कृषि कार्य गर्दा गरो–कान्ला खेती प्रणालीलाई प्राथमिकता राख्न नार्कले किसानलाई सुझाव दिएको छ ।
यस्तै, संरक्षित संरचना (प्लास्टिक घर) निर्माण गरी खेती गर्न तयारी गर्ने किसानहरूले यस्ता संरचना बनाउँदा पानी नजम्ने स्थान छान्नु पर्ने पनि नार्कले प्रस्ट पारेको छ । साथै यस्ता संरचनाभित्र खेती गरिरहेका कृषकले संरचनाहरूको निरीक्षण गरी मनसुनपूर्व आवश्यक मर्मत–सम्भार कार्य गर्न समेत सो बुलेटिनमा सुझाइएको छ ।
यस वर्षको मनसुन प्रणाली कोशी प्रदेशको पूर्वी भू–भागमा सोमबार भित्रिएको छ । नेपालमा मनसुन भित्रिने सरदर मिति जुन १३ हो । यस वर्षको मनसुन सरदर मितिभन्दा तीन दिन छिटो भित्रिएको मौसम पूर्वानुमान महाशाखाले जनाएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- माैसम : तीन प्रदेशमा हिमपातको सम्भावना
- विदेशबाट ‘आइएमई पे’मा रकम प्राप्त गर्दा पाँच रुपैयाँसम्म बोनस
- रविकाे मुद्दामा बिहीबार थुनछेक बहस हुने, कानुन व्यवसायी र परिवारको जिम्मा लगाइयो
- रूपेन्देहीमा रवि लामिछानेको थुनछेक बहस सुरू
- एक ताेला सुन किन्न १ लाख ६० हजार हाल्नुपर्ने
- महिला यु–१९ ट्वान्टी–२० विश्वकपमा नेपालले आज अष्ट्रेलियासँग खेल्दै
- निर्वाचन आयोगमा दर्ता भयाे राजेन्द्र महतो नेतृत्वकाे पार्टी, चुनाव चिह्न ग्यास सिलिण्डर
- पाथीभरा देवी मुकुम्लुङ दर्शन केबलकार निर्माण सुरु, कोशी प्रदेशको पर्यटनमा कोशेढुङ्गा
- सेयर बजारमा सामान्य अंकले बढ्याे, घट्यो कारोबार
- राष्ट्रपतिद्वारा माघ १८ गते संसद्को हिउँदे अधिवेशन आह्वान
प्रतिकृया दिनुहोस