अर्थतन्त्र

मौद्रिक नीतिको त्रैमासिक समीक्षाः कुल गार्हस्थ्य उत्पादन ३.८७ प्रतिशतले वृद्धि हुने प्रारम्भिक अनुमान

• गाउँ सहर संवाददाता
• ४ जेठ शुक्रबार, २०८१ | ११:४८:०० मा प्रकाशित

काठमाडौँ । नेपाल राष्ट्र बैंकले चालु आर्थिक वर्ष २०८०/८१ मौद्रिक नीतिको तेस्रो त्रैमासिक समीक्षा सार्वजनिक गरेको छ ।

राष्ट्रिय तथ्याङ्क कार्यालयले आर्थिक वर्ष २०८०/८१ मा कुल गार्हस्थ्य उत्पादन ३.८७ प्रतिशतले वृद्धि हुने प्रारम्भिक अनुमान गरेको छ । त्रैमासिक समीक्षाअनुसार उक्त तथ्याङ्क अनुसार आर्थिक वर्ष २०८०/८१ को कुल गार्हस्थ्य उत्पादन वृद्धिमा खासगरी आवास तथा खाद्य सेवा, विद्युत तथा ग्यास र यातायात तथा भण्डारण उपक्षेत्रको विस्तारले सकारात्मक प्रभाव पारेको छ । तर, निर्माण र औद्योगिक उत्पादन उपक्षेत्र भने यो वर्ष पनि संकुचनमा गएको देखिन्छ । समग्रमा वास्तविक क्षेत्रका पछिल्ला परिसूचकहरु अघिल्लो वर्षको तुलनामा केही सुधार भएका छन् ।

पूर्ण पाठ