अर्थतन्त्र

शेयरबजार : सुस्तायाे नेप्से

• गाउँ सहर संवाददाता
• २० चैत मंगलबार, २०८० | १६:२५:०० मा प्रकाशित

काठमाडौं । नेपाल स्टक एक्सचेञ्ज (नेप्से)मा साताको तेस्रो कारोबारको दिन मंगलबार झिनो अंकको गिरावट भएको छ । आज नेप्से १.८५ अंकले घटेर दुई हजार १० दशमलव २१ विन्दुमा बन्द भएको हो ।                                                                       

नेप्सेमा आज २ अर्ब २९ करोड १६ लाख ४५ हजार रुपैयाँ बराबरको कारोबार भएको छ । आज कारोबार भएका कम्पनीमध्ये १०९ वटाको बढेको छ भने १२७ वटा कम्पनीको शेयरमूल्य घटेको छ । बाँकी ८ कम्पनीको शेयरमूल्य स्थिर रहेको छ ।     

नेप्सेका अनुसार आज दुई कम्पनीको शेयरमूल्यमा उच्च वृद्धि भएको छ । जसमा गुराँस लघुवित्त वित्तीय संस्था लिमिटेड र गणपति लघुवित्त वित्तीय संस्था रहेका छन् । यी कम्पनीको शेयरमूल्यमा आज सकारात्मक सर्किट लागेको छ ।          

आज ज्योति विकास बैंक बोण्ड २०८७ को शेयरमूल्यमा उच्च गिरावट आएको छ । यस कम्पनीको शेयरमूल्य आज ७.५० प्रतिशतले घटेको छ । त्यस्तै, सबैभन्दा बढी कारोबार गोर्खाज फाइनान्स लिमिटेडको भएको छ । आज यस कम्पनीको १४ करोड ९८ लाख रुपैयाँ बराबरको कारोबार भएको छ ।