दिगोविकास

कन्दरा ब्यान्डको साङ्गीतिक कार्यक्रममा आइएमई पेको उत्कृष्ट टिकट व्यवस्थापन

• गाउँ सहर संवाददाता
• २ माघ मंगलबार, २०८० | १८:५२:०० मा प्रकाशित

काठमाडाैं । डिजिटल वालेट आइएमई पेले पोखरामा सम्पन्न भएको ‘कन्दरा–लाइभ इन पोखरा’ इभेन्टको लागि विशेष टिकेटिङ पार्टनरको रूपमा आफ्नो भूमिकालाई उत्कृष्टताका साथ सम्पन्न गरेको छ । 

पोखरा प्रदर्शनी केन्द्रमा हालै सम्पन्न भएको उक्त साङ्गीतिक कार्यक्रममा इएमई पेले टिकेटिङ पार्टनरको रुपमा टिकटको उत्कृष्ट व्यवस्थापन गरेको हो । 

‘पहिला घरदेश, अनि परदेश’ नारा लिएर साङ्गीतिक टुरको पहिलो कार्यक्रम पोखरामा पौष २७ गते शुक्रबार प्रस्तुत गरेको कन्दरा ब्यान्डले साङ्गीतिक कार्यक्रम समापन गरेको छ । यस कार्यक्रममा १० हजारभन्दा बढी दर्शकहरूको उपस्थिति रहेको व्यवस्थापक कम्पनीले एल्फा स्क्वायरले जनाएको छ ।  

आइएमई पेका प्रमुख कार्यकारी अधिकृत  प्रविण रेग्मीले यस कार्यक्रमको समापनमा कार्यक्रमको सफल समापनले मनोरञ्जन तथा इभेन्ट उद्योगमा आइएमई पेको तर्फबाट उत्कृष्ट सेवाहरू प्रदान गर्ने कम्पनीको प्रतिबद्धतालाई सुदृढ बनाएको बताएका छन् । 

आइएमई पे मोबाइल वालेट मार्फत सेवाग्राही आफैले अथवा एजेन्टहरुको मार्फत विभिन्न किसिमको भुक्तानी कार्यहरू गर्न सक्नेछन्।

यसले व्यक्ति-व्यक्ति बीचमा हुने सामान्य रकम ट्रान्सफर गर्ने सुविधा देखि लिएर विभिन्न अनलाइन तथा स्थलगत स्टोरहरूमा त्तच् स्क्यान गरी भुक्तान गर्ने, मोबाइल रिचार्ज गर्ने र विभिन्न घरायसी तथा कार्यालयका बिलहरू भुक्तान गर्न मिल्ने सेवा समेत प्रदान गर्दै आइरहेको छ। 

यस मोबाइल वालेटमा ब्याज तथा विभिन्न क्यासब्याकहरूको पनि सुविधा उपलब्ध छ। आइएमई डिजिटल सोलुसन लिमिटेडले बैंकिङ सुविधाबाट वञ्चित नेपाली तथा न्यून बैंकिङ सुविधा प्राप्त सम्पूर्ण सर्वसाधारण जनतालाई वित्तीय सेवाहरूको पहुँच उपलब्ध गराएर नेपालको वित्तीय समावेशीकरणमा योगदान पुर्याउने लक्ष्य लिएको छ।