गाउँ सहर

प्रधानन्यायाधीशमा कार्कीको नाम अनुमोदन

• गाउँ सहर संवाददाता
• १ असार शुक्रबार, २०८० | ११:४४:०० मा प्रकाशित

काठमाडौं । सर्वोच्च अदालतको प्रधानन्यायाधीशमा हरिकृष्ण कार्कीको नाम अनुमोदन गरिएको छ । संसदीय सुनुवाइ समितिबाट सर्वसम्मत रूपमा प्रधानन्यायाधीशमा कार्कीको नाम अनुमोदन गरिएको समितिका सदस्य महेश बर्तौलाले जानकारी दिए ।

शुक्रबार सिंहदरबारमा बसेको समितिको बैठकमा सवालजवाफपछि कार्कीको नाम अनुमोदन गरिएको हो । योसँगै उनी अब प्रधानन्यायाधीशमा नियुक्त हुनेछन् ।

सुनुवाइ समितिबाट नाम अनुमोदन भएपछि राष्ट्रपतिले प्रधानन्यायाधीश नियुक्त गर्ने संवैधानिक व्यवस्था छ । गएको असोजदेखि कार्की कायममुकायम प्रधानन्यायाधीशको जिम्मेवारीमा छन् ।

प्रधानन्यायाधीशमा अनुमोदन भएका कार्कीले आउँसो साउन २० गते उमेरहदका कारण अनिवार्य अवकाश पाउँदै छन् ।