गाउँ सहर

नक्कली भुटानी शरणार्थी प्रकरण : फरार प्रतिवादी महर्जन काठमाडौं जिल्ला अदालतमा हाजिर

• गाउँ सहर संवाददाता
• १८ जेठ बिहीबार, २०८० | १६:००:०० मा प्रकाशित

काठमाडौं । नक्कली भुटानी शरणार्थी प्रकरणमा फरार रहेका प्रतिवादी हरिभक्त महर्जन बिहीबार काठमाडौं जिल्ला अदालतमा हाजिर भएका छन् । पक्राउ पुर्जी जारी भएपछि फरार रहेका महर्जनलाई  प्रहरीले नियन्त्रणमा लिएको छ । 

प्रहरीले महर्जनविरुद्ध आवश्यक कारवाही प्रक्रिया अघि बढाउने तयारी गरिरहेको छ । प्रहरीले नक्कली भुटानी शरणार्थी प्रकरणमा एमालेका निलम्बित सचिव टोपबहादुर रायमाझी, पूर्व गृहमन्त्री बालकृष्ण खाणसहित ३० जनालाई प्रतिवादी बनाएर मुद्दा प्रक्रिया अघि बढाएको छ ।

हालसम्म १८ जना पक्राउ परेका छन् भने १२ जना अझै फरार छन् । जेठ १२ देखि काठमाडौं जिल्ला अदालतमा प्रतिवादीहरुको बयान लिने क्रम जारी छ ।