गाउँ सहर

विराटनगरमा निषेधाज्ञा जारी, कोशी प्रदेशसभा भवन आसपासको क्षेत्र तनावग्रस्त

विराटनगर । कोशी नाम खारेजको माग गर्दै विराटनगरस्थित कोशी प्रदेशसभा भवन आसपासको क्षेत्र तनावग्रस्त बनेको छ । आन्दोलनलाई लक्षित गरी स्थानीय प्रशासनले प्रदेशसभा परिसर, मुख्यमन्त्री तथा मन्त्री परिषदको कार्यालय अगाडी र आसपासको क्षेत्रमा जिल्ला प्रशासन कार्यालयले निषेधाज्ञा जारी गरेको छ ।

 प्रदेशसभाको बैठक बस्ने भएपछि प्रदर्शनमा आएका आन्दोलनकारी र प्रहरीबीच झडप हुँदा तनावग्रस्त बनेको हो ।  गत फागुन १७ गते प्रदेशको नामाकरणपछि प्रदेशसभाको बैठक स्थगित गरिएको थियो । त्यसपछि पहिचानवादीको प्रदर्शन र आन्दोलनका कारण प्रदेशसभाको बैठक नै नबसी हिउँदे अधिवेशन अन्त्य भएको थियो ।

कोशी प्रदेशसभाको बजेट अधिवेशन आजदेखि सुरु हुँने भएपछि आन्दोलनकारीले प्रदेशसभा भवन वरिपरि घेराउ गरेका छन् । आन्दोलनकारीतर्फ प्रहरीले पानीको फोहोरा र अश्रुग्यास प्रहार गरेको भने झडपमा परी एक सशस्त्र प्रहरी जवानको टाउको फुटेको छ । प्रहरीले आज बिहानदेखि हालसम्म ३० भन्दा बढी आन्दोलनकारीका नेतालाई पक्राउ गरेको छ । अहिले  प्रदेशसभा बैठक सुरु भएको छ ।

गाउँ सहर संवाददाता

तपाईँको मत