दिगोविकास

'जनयुद्ध दिवस' खारेजीको माग गर्दै सर्वोच्चमा रिट

• गाउँ सहर संवाददाता
• १२ चैत आइतबार, २०७९ | २०:१६:०० मा प्रकाशित

काठमाडौं । फागुन १ गते 'जनयुद्ध दिवस' मनाउन सार्वजनिक बिदा दिने सरकारको निर्णयविरुद्ध सर्वोच्च अदालतमा रिट परेको छ ।

'जनयुद्ध दिवस' घोषणा गर्दै सार्वजनिक बिदा दिने मन्त्रिपरिषद्को निर्णय खारेज गर्न माग गर्दै सर्वोच्चमा रिट पेस परेको हो ।

अदालतका प्रवक्ता विमल पौडेलका अनुसार रिट दर्ता गर्ने वा नगर्ने निर्णय भने भइसकेको छैन । रिट अध्ययन गरी दर्ता गर्ने वा नगर्ने निर्णय भोलि मात्र हुने उनले बताए ।

'जनयुद्ध दिवस'का नाममा सार्वजनिक विदा दिने निर्णय गरेपछि सरकारको आलोचना भएको थियो । केही समूहले विरोध प्रदर्शन नै गरेका थिए ।