राजनीति

स्ववियु निर्वाचन : आइतबार ११४ क्याम्पसमा निर्वाचन १०६ वटामा निर्विरोध

• गाउँ सहर संवाददाता
• ५ चैत आइतबार, २०७९ | १७:०५:०० मा प्रकाशित

काठमाडौं । स्वतन्त्र विद्यार्थी युनियनको निर्वाचन सम्पन्न भएको छ । आज देशभर सञ्चालित स्वतन्त्र विद्यार्थी युनियन (स्ववियु) को निर्वाचन अन्तरगत  विभिन्न क्याम्पसमा चुनाव भएको हो ।

 विभिन्न २१७ क्याम्पस मध्ये १०६ क्याम्पसमा निर्विरोध नेतृत्व चयन भएको छ । कोशी प्रदेशका २१ क्याम्पस, बागमतीका १९, गण्डकीका १२, लुम्बिनीका ३४, कर्णालीका १४, सुदूरपश्चिमका ३ क्याम्पसमा निर्विरोध स्ववियु चयन गरिएको हो । 

कोशी प्रदेशमा ४१, मधेसमा ११, बागमतीमा २५, गण्डकीमा २०, लुम्बिनीमा ३८, कर्णालीमा २२, सुदूरपश्चिमका ३५ वटामा आज निर्वाचन भएको छ । अन्य १० वटामा ८ गते र एउटामा सोमबार चुनाव हुनेछ ।  २५ क्याम्पसमा आज निर्वाचन भएको छ ।

चुनाव हुने क्याम्पसको संख्या ४४८ वटा रहेकामा २८४ क्याम्पसमा मनोनयन दर्ता भएको थियो । यस्तै १०० वटा क्याम्पसमा विवादका कारण मनोनयन नै दर्ता भएन ।  थप १४ वटामा पनि  निर्वाचन अवरुद्ध हुन पुगेपछि आइतबार निर्वाचन हुन नहुने क्याम्पसको संख्या ११४ रहेको छ ।