गाउँ सहर

नागरिक उड्ययन मन्त्रालयको यस्तो विज्ञप्ति : विमानस्थलका महाप्रबन्धक निलम्बन, अनुसन्धानका लागि अख्तियारलाई अनुरोध

• गाउँ सहर संवाददाता
• २७ माघ शुक्रबार, २०७९ | १४:२६:०० मा प्रकाशित

काठमाडौँ । त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुर गैरकानुनी लाभ लिने उद्देश्यले थाइ स्माइल एयरलाइन्सका प्रतिनिधिसँगकुराकानी गरेको पाइएपछि निलम्बनमा परेका छन् । 

संस्कृति, पर्यटन तथा नागरिक उड्ययन मन्त्रालयको विज्ञप्तिमा त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुरले थाइ स्माइल एयरलाइन्सका प्रतिनिधिसँग गैरकानुनी लाभ लिने उद्देश्यले गरेको कुराकानीको श्रव्य सामग्री प्राप्त भएको हुँदा सो विषयमा जाँचबुझ गर्ने सिलसिलामा निजलाई पदबाट निलम्बन गर्न माननीय मन्त्री स्तरीय निर्णयअनुसार नेपाल नागरिक उड्डयन प्राधिकरणका महानिर्देशकलाई लेखी पठाइएको भनिएको छ ।

मन्त्रालयले ठाकुरको निलम्बनसँगै अनुसन्धानका लागि अख्तियार दुरुपयोग अनुसन्धान आयोगलाई अनुरोध गरेको हो ।