गाउँ सहर

गृहमन्त्री लामिछानेको नागरिकतासम्बन्धी मुद्दाको फैसला हुँदै

• गाउँ सहर संवाददाता
• १३ माघ शुक्रबार, २०७९ | १६:५१:०० मा प्रकाशित

काठमाडौँ । सर्वोच्च अदालतले शुक्रबार  गृहमन्त्री रवि लामिछानेको नागरिकतासम्बन्धी विवादमा पक्ष र विपक्षमा बहस सकिएसँगै आजै फैसला सुनाउने तयारी गरेको छ । शुक्रबार सर्वोच्चमा गृहमन्त्री  लामिछानेको मुद्दाको सुनुवाइ सकिएर फैसलाको तयारी भएसँगै सुरक्षा तैनाथी बढाइएको हो ।  

कामु प्रधानन्यायाधीश हरिकृष्ण कार्की, न्यायाधीश विश्वभरप्रसाद श्रेष्ठ, ईश्वरप्रसाद खतिवडा, डा आनन्दमोहन भट्टराई र अनिलकुमार सिन्हाको संवैधानिक इजलासमा बुधबारदेखि मुद्दाको सुनुवाइ भएको थियो ।

मुद्दाको सुनुवाइ सकिएसँगै जिल्ला प्रहरी परिसर काठमाडौँबाट डीएसपी पवत भट्टराईको नेतृत्वमा थप टोली सर्वोच्चमा पठाइएको छ । यसैगरी प्रहरी वृत्त सिंहदरबारबाट पनि थप टोली पठाइएको  छ ।