राजनीति

स्याङ्जा-२ मा कांग्रेसका धनराज गुरूङकाे अग्रता कायमै

• गाउँ सहर संवाददाता
• १७ मङ्सिर शनिबार, २०७९ | ०७:३४:०० मा प्रकाशित

वालिङ । स्याङ्जा २ मा गठबन्धनतर्फ नेपाली कांग्रेसका उम्मेदवार धनराज गुरुङले अग्रता कायमै राखेका छन् ।

स्याङ्जा निर्वाचन क्षेत्र नं. २ मतगणना भइरहेको छ । पछिल्लो नतिजा अनुसार नेपाली काँग्रेसका धनराज गुरुङले अग्रता कायमै राखेका छन् । उनले नेकपा (एमाले) की पद्मा कुमारी अर्याललाई दुई हजार ७१ मतले पछि पारेका छन् । 

काँग्रेसका गुरुङले २२ हजार १२० मत पाउँदा एमालेकी अर्यालको  २० हजार ४९  मत रहेको छ । यस्तै स्याङ्जा २ मा स्वतन्त्र पार्टीका उम्मेदवार टिकराज गुरुङले सात हजार ३२ मत प्राप्त गरेका छन् ।

प्रदेश (क) को भने गणना सम्पन्न भइसकेको छ । जसमा काँग्रेसका भोजराज अर्याल विजयी भएका छन् ।