राजनीति

पाँचवटा दलले ‘थ्रेसहोल्ड’ पार गरे

• गाउँ सहर संवाददाता
• ८ मङ्सिर बिहीबार, २०७९ | १२:४५:०० मा प्रकाशित

काठमाडौं ।  प्रतिनिधि सभा निर्वाचनअन्तर्गत समानुपातिकतर्फको अहिलेसम्म १९ लाख १२ मत गणना भएको छ ।  ‘थ्रेसहोल्ड’ पार गर्ने दल पाँचवटा मात्रै छन् ।

प्रतिनिधि सभा निर्वाचनमा समानुपातिकतर्फ ३ प्रतिशत ‘थ्रेसहोल्ड’ को व्यवस्था छ । थ्रेसहोल्ड पार गर्ने दलमा नेकपा एमाले, नेपाली कांग्रेस, राष्ट्रिय स्वतन्त्र पार्टी, नेकपा (माओवादी केन्द्र) र राष्ट्रिय प्रजातन्त्र पार्टी छन् ।

आयोगको पछिल्लो विवरण अनुसार दोस्रो स्थानमा रहेको नेपाली कांग्रेसले ४ लाख ६८ हजार मत पाएको छ भने तेस्रो स्थानमा रहेको राष्ट्रिय स्वतन्त्र पार्टीले २ लाख ६० हजार मत पाएको छ ।

चौथो स्थानको माओवादी केन्द्रले अहिलेसम्म २ लाख २८ हजार मत पाएको छ । १ लाख ३६ हजार मतसहित राष्ट्रिय प्रजातन्त्र पार्टी पाँचौ नम्बरमा रहँदा छैटो स्थानको जसपा नेपालले ५७ हजार मत कटाएको छ । नेमकिपाले ४७ हजार मत कटाउँदा नागरिक उन्मुक्ति पार्टीले ३३ हजार, जनमत पार्टी ३० हजार, र नेकपा एकिकृत समाजवादीले ३१ हजार मत ल्याएका छन् ।