राजनीति

थप ७६० जनामा कोरोना भाइरसको संक्रमण पुष्टि, ४४ जना आईसीयूमा र दुई जना भेन्टिलेटरमा

काठमाडौं । पछिल्लो २४ घण्टामा थप ७६० जनामा कोरोना भाइरसको संक्रमण पुष्टि भएको छ ।

पाँच हजार ९२६ वटा नमुना परीक्षण गर्दा ७६० जनामा संक्रमण पुष्टि भएको हो । 

आज ३२४ जना कोरोना संक्रमणमुक्त भएका छन् ।

योसँगै हाल देशभर सक्रिय संक्रमितको संख्या पाँच हजार ६०२ पुगेको स्वास्थ्य मन्त्रालयले जानकारी दिएको छ ।

काठमाडौं उपत्यकामा ३५१ जना कोभिड १९ संक्रमित थपिएका छन् ।

आज काठमाडौंमा २४६, भक्तपुरमा १७ र ललितपुरमा ८८ जना संक्रमित थपिएका हुन् । योसँगै उपत्यकामा सक्रिय संक्रमितको संख्या तीन हजार ८७० पुगेको छ ।

आजसम्म चार जिल्लामा सक्रिय संक्रमितको संख्या दुईसय भन्दा बढी पुगेको छ । काठमाडौं र ललितपुरसहित मोरङ  र कास्कीमा पनि सक्रिय संक्रमित दुईसय भन्दा उकलो लागेको हो । 

आज देशभर रहेका पाँच हजार ६०२ जना सक्रिय संक्रमितमध्ये पाँच हजार ४४० जना होम आइसोलेसनमा र १६२ जना संस्थागत आइसोलेसन छन् ।

अस्पतालमा रहेकामध्ये ४४ जना आईसीयूमा र दुई जना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ ।

गाउँ सहर संवाददाता

तपाईँको मत