राजनीति

राप्रपाद्वारा विरोध प्रदर्शन

• गाउँ सहर संवाददाता
• १८ श्रावण बुधबार, २०७९ | १७:४१:०० मा प्रकाशित

काठमाडाैं । राष्ट्रिय प्रजातन्त्र पार्टी (राप्रपा)ले सरकारविरुद्ध आज प्रदर्शन गरेको छ । राप्रपाले भ्रष्टाचार, नागरिकता विधेयक, संघीयतालगायतको विरोधमा काठमाडौंसहित ७७ वटै जिल्लामा विरोध प्रर्दशन गरेको हो ।

राजधानीको माइतीघर मण्डालामा पनि प्रदर्शन गरिएको छ । प्रदर्शनमा सहभागीहरुले निधारमा कालोपट्टी बाधेका थिए । माइतीघरदेखि बबरमहलसम्म र्‍याली निकालेर प्रदर्शन गरिएको हो ।

राप्रपाका विभिन्न भ्रातृ संगठनको संयुक्त आयोजनामा प्रदर्शन भएको हो। प्रदर्शनका क्रममा संवैधानिक राजसंस्था कायम गर्न माग गरिएको छ ।