गाउँ सहर

नेपाल एयरलाइन्सको जहाजमा आतंकवादी भएकाे सूचनापछि विमान राेकियाे, २ जना नियन्त्रणमा

फाइल तस्बिर

काठमाडाैं । काठमाडौंबाट बुधबार १:१० मा मुम्बई उड्नुपर्ने नेपाल एयरलाइन्सको न्यारोबडी ३२० जहाजमा आतंकवादी रहेको सूचना आएपछि सबै यात्रु ओरालेर जाँच २ जना नियन्त्रणमा लिइएकाे छ । 

नेपाल एयरलाइन्सका प्रवक्ता अर्चना खड्काका अनुसार नेपाल प्रहरीको केन्द्रीय अनुसन्धान ब्युरो(सीआईबी) ले नियन्त्रणमा लिएको हाे । श्रीमान्-श्रीमतीका रूपमा पहिचान खुलेका ती व्यक्ति कुनै आतंकवादी संगठनमा रहेको भन्ने सूचना कैलाली प्रहरीले सीआईबीलाई पठाएको थियो ।

कैलाली प्रहरीले आतंकवादी चढेको सूचना पठाएपछि प्रहरीको केन्द्रीय अनुसन्धान ब्युरोले अनुसन्धान यात्रु ओरालेर जाँच गरेकाे हाे । 

जहाजमा १४१ जना यात्रु छन् । यात्रुको जाँचपछि फेरि उनीहरूलाई जहाजमा चढाइने प्रवक्ता खड्काले बताइन् ।

गाउँ सहर संवाददाता

तपाईँको मत