दिगोविकास

पद तथा गोपनीयताको शपथ लिएसँगै अर्थमन्त्री शर्मा पदभारका लागि सिंहदरबार

काठमाडौं । राष्ट्रपति विद्यादेवी भण्डारीबाट पद तथा गोपनीयताको शपथ लिएसँगै अर्थमन्त्री जनार्दन शर्मा पदभारका लागि सिंहदरबार पुगेका छन् । राष्ट्रपति भवन शीतल निवासबाट शर्मा सिधै कार्यभार सम्हाल्न अर्थ मन्त्रालय पुगेका हुन् ।

अर्थमन्त्री जनार्दन शर्माले पद तथा गोपनीयताको शपथ लिएका छन् । आइतबार साँझ उनले सितल निवासमा राष्ट्रपति विद्यादेवी भण्डारीबाट शपथ लिएका थिए ।

बजेट निर्माणको क्रममा अनधिकृत व्यक्तिलाई अर्थ मन्त्रालय बोलाएर करका दर हेरफेर गरेको आरोप लागेपछि उनले पदबाट राजीनामा दिएका थिए ।

सोही प्रयोजनका लागि संसदीय छानबिन विशेष समिति गठन भएको थियो । समितिको प्रतिवेदनले उनलाई निर्दोष सावित गरेपछि पुनः अर्थमन्त्री नियुक्त भएका हुन् । उनले साउन २२ गते संसदीय छानबिन समिति गठन भए लगत्तै प्रतिनिधिसभा बैठकलाई सम्बोधन गर्दै राजीनामा गरेका थिए । 

११ सदस्यीय संसदीय छानबिन समितिले शुक्रबार सभामुख अग्निप्रसाद सापकोटालाई प्रतिवेदन बुझाइएकाे थियाे । सभामुखलाई प्रतिवेदन बुझाए लगत्तै छानबिन समितिका सभापति लक्ष्मणलाल कर्णले उक्त प्रतिवेदन प्रतिनिधिसभा बुझाएका थिए । तत्कालीन अर्थमन्त्री शर्माले आर्थिक वर्ष २०७९/०८० को बजेट निर्माणका क्रममा जेठ १४ गते राति अनाधिकृत व्यक्ति प्रवेश गराएर करका दर हेरफेर गराएको भन्दै समाचार बाहिरिएपछि प्रतिनिधि सभाले संसदीय छानबिन विशेष समिति गठन गरेको थियो। समितिले निर्धारित १० दिनमा काम सम्पन्न नगरेपछि साउन ५ गते थप ७ दिन समय थप गरिएको थियो। समितिले करका दर हेरफेरमा अनधिकृत व्यकतिकाे प्रसङ्ग असान्दर्भिक भएको निष्कर्ष निकालेको थियो ।

उनीबारे छानबिन गर्न संसदीय छानबिन समिति बनेको थियो । तर, संसदीय छानबिन समितिले 'क्लिन चिट' दिएपछि उनी फेरि अर्थमन्त्री बनेका हुन् ।

गाउँ सहर संवाददाता

तपाईँको मत